Битолски Весник Весник што се чита и прераскажува 60 години со читателите
Со транспаренти на кои пишуваше „Поддршка за Талески“ и „СЈО платеници“ денеска пред седиштето на ОК ВМРО–ДПМНЕ – Битола, се собраа граѓани кои дадоа поддршка за градоначалникот Владимир Талески.
Тие порачаа дека Специјалното јавно обвинителство работи под директива на СДСМ и со притисок врз Кривичниот суд бил наметнат домашниот притвор на градоначалникот на Битола.
Партиските активисти на ВМРО-ДПМНЕ пред просториите на Општинскиот комитет, излегоа со поддршка, за првиот човек на Битола, градоначалникот Владимир Талески.
-Давам поддршка на градоначалникот на Општината Битола Владимир Талески во конкретната ситуација, бидејќи методите на СЈО се репресивни- рече Наталија Кајчевска.
– Овде сме собрани за да дадеме поддршка на нашиот градоначалник Владимир Талески, зашто сметаме дека ова не е резултат на некои правни дејствија туку резултат на репресиите врз судството, овој пат од страна на СДСМ- рече Снежана Тасевска.
Б.В.
