Home / Вести / Груевски со својот партиски кабинет повторно на обвинителна клупа

Груевски со својот партиски кабинет повторно на обвинителна клупа

Ново судско рочиште денеска треба да се одржи за предметот на Специјалното јавно обвинителство „Титаник“, што се однесува на десетина дела поврзани со изборни нерегуларности.

Во „Титаник“, што е прв случај обелоденет од СЈО, обвинети 21 лице, меѓу кои и поранешните функционери Никола Груевски, Мартин Протуѓер, Кирил Божиновски, Миле Јанакиески и Гордана Јанкулоска.

Тие се осомничени од СЈО за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања во 2012 година.

Одбраната на претходното рочиште побара од Судот да ги одложи закажаните рочишта за овој месец, со цел да направат увид во списите на предметот.

Од СЈО беа против и сметаат дека предлогот на одбраната е со цел да се одолговлечи постапката.

Судијата Осман Шабани на 2 април го одложи судењето за овој предмет за десет дена, со цел одбраната да изврши увид во доказните материјали.

За овој месец за предметот „Титаник“ покрај денешното закажани се уште две рочишта, а за во мај уште пет.

Leave a Reply

Your email address will not be published. Required fields are marked *

*

error: Content is protected !!