Битолски Весник Весник што се чита и прераскажува 60 години со читателите
Лилјана Тодоровска потписничката и идејниот автор на социјалниот проект за европски центар за возрасни на крајот на 2017-та на сметка добила и подигнала 720 илјади евра и плус персонален данок.
Соседите се чудеа дека нивната комшика Лиле е бабата со идеја вредна 720 илјади евра затоа што на некои со години им должела по ситни 100 или 500-тини денари.
Но на договорот меѓу Меѓународниот сојуз Скопје и ГП Пелистер, потписот на комшиката Лиле стои на 4-то место, како претставник на невладината, со улога автор и координатор на проект. На договорт се потпишани Боки 13, Агапи Дика, Јованка Кухар и пензионерката Тодоровска. Тие во име на меѓународниот сојуз склучуваат договор со ГП Пелистер во чие име потпишува сопственикот Силјан Мицевски. Договорот е потпишан на 13-ти декември 2017.
Лилјана Тодоровска вознемирена од пишувањата во медиумите за 720-те илјади евра вели дека и се земени уште во банка од претставнциите на меѓународниот сојуз на Боки 13 кои ја туркале во инвалидска количка која ја употребувала затоа што преживеала сообраќајна несреќа.
-Ограбена сум. Мене парите веднаш ми се земени од луѓето кои беа со мене во банка. Веднаш потоа ми беа земени парите, рече Лилјана Тодоровска во телефонски разговор.
Според договорот, невладината на Боки 13 треба да обезбеди меморандуми за земјиште со општините каде се планираат европски центри за возрасни лица односно еден вид старечки домови, а Пелистер да ги изгради. Склучуваат договор за стратешко партнерство со што Пелистер после 5 години изградедниот објект може да го продаде.
Силјан Мицевски од ГП Пелистер смета дека не бил измамен туку дека верувал во идејата. Првин планирале да градат европски центар за возарсни лица во Охрид, но тамошниот градоначалник Јовановски починал ненадејно. Парите ги префрлил на име на Тодоровска затоа што знаел дека е нејзина идеја. Доколку не се реализра проектот ќе бара поврат на парите кои досега ги дал.
