Битолски Весник Весник што се чита и прераскажува 60 години со читателите
Општина Новаци во рамките на проектот „ Жива историја, жива природа 2” деновиве ја организираше планинарска тура низ Мариово.
На овој планинарски марш кој наиде на голема масовност учество зедоа 160 планинари.
-Го организираме овој планинарски марш во склоп на прекуграничниот проект „ Жива историја-жива природа 2 “. Имаме предвидено две релации . Првата ја има следната маршрута Општина Новаци – с.Градешница – извори на Градешка река – Церева полјана- месност Лаките – ман. св Димитрија – с.Будимирци, додека втората релација Општина Новаци – с.Градешница – с.Будимирци – манастир Св. Димитрија – с.Будимирци. До крајот на месец јуни ќе организираме и велосипедска и џип тура- изјави Лазар Котевски, градоначалник на Општина Новаци.
За сите присутни планинари општината имаше обезбедено организиран превоз од Битола и Прилеп до мариовското село Градешница, како и оброк за секој учесник.
Планинарите се движеа по две патеки : атрактивна патека со должина од 23 км. која изобилува со културно историски споменици и кратка патека со должина од 8 км., која изобилува со живописни пејсажи.
Б.В.
