Битолски Весник Весник што се чита и прераскажува 60 години со читателите
Вечерва помала група граѓани заедно со неколкумина пратеници од ВМРО-ДПМНЕ се собраа пред затворот во Шуто Оризари на протест. Тие бараа ослободување на функционерите и притворените граѓани за насилството од 27 април во Собранието.
Лидерот на ВМРО-ДПМНЕ во заминување, Никола Груевски не сакаше да даде изјава за медиуми. Пратеничката Дафина Стојановска изјави дека уапсените не се виновни и ги нарече херои.
Пратеникот Трајчо Димков рече дека дошол пред затворот за да им даде поддршка на своите колеги од Собранието и на другите кои, како што рече, не можеле да замижат пред нелегалниот избор на новиот претседател на Собранието.
Пратеникот Крсто Јовановски кој исто така зборуваше на протестот најави дека протестите продолжуваат и утре пред Министерството за правда во 18 часот.
