Home / Uncategorized / Средба на фармерите со раководството на Би Милк

Средба на фармерите со раководството на Би Милк

Во рамките на активностите за унапредување на соработката со своите партнери, Млекара АД Битола организираше наменска панел-дискусија со своите најголеми фармери-кооперанти, со цел информирање за промените во законската регулатива и пренесување на позитивни искуства од земјите со напредно фармерско производство.

Компанијата ги запозна фармерите со начините како би можеле да ги подобрат своите фарми и квалитетот на своето сирово млеко, со цел да ги исполнат највисоките стандарди за квалитет, користејќи ја стручната помош на Бимилк.

Гости на панел-дискусијата беа и Борче Петковски, инспектор во Агенцијата за храна и ветеринарство, кој детално ги презентираше барањата и измените во законската регулатива во насока на приближување кон регулативата и стандардите на ЕУ, како и проф. д-р Љупче Кочоски, деканот на Биотехничкиот факултет во Битола, кој пак презентираше практични аспекти на модерно фармерство, запознавајќи ги фармерите на кој начин можат да ги исполнат и одржат критериумите за прва категорија на фарми.

Панел-дискусијата ја заврши директорот на суровина во Млекара Битола, Драган Илиевски, кој ги презентираше најновите светски трендови во млечното говедарство, како и можностите за примена на истите во македонски услови, со цел унапредување на фармите и олеснување на поважните операции на фармата со примена на механизација, автоматизација, компјутеризација и каде е можно роботизација.

Leave a Reply

Your email address will not be published. Required fields are marked *

*