Home / Вести / Јасмина Гулевска повторно кандидатка за градоначалник на Могила

Јасмина Гулевска повторно кандидатка за градоначалник на Могила

              

            СДСМ на претстојните локални избори по втр пат ќе настапи со актуелната градоначалничка  на Могила, Јасмина Гулевска, одлучи Извршниот одбор на СДСМ.

            Инаку СДСМ објави уште пет имиња на кандидати за градоначалнци за претстојните локални избори што ќе се одржат во октомври.

 Партијата ги утврди кандидатите за општините Гази Баба, Берово, Могила, Неготино и Ранковце.

– Извршниот одбор дефинираше уште пет кандидати за градоначалници од редовите на СДСМ. Ова се кандидатите кои според сите истражувања, анализи и испитувања на јавното мислење се најдобрата понуда за општините Берово, Гази Баба, Неготино, Могила и Ранковце: Ѕвонко Пекевски – Берово, Борис Георгиевски – Гази Баба, Јасмина Гулевска – Могила, Тони Делков – Неготино и Даниел Крстевски – Ранковце – објави доцна синоќа претседателот на СДСМ, Зоран Заев.

Тој додава дека процесот на консултации и на селекција продолжува и натаму и дека до крајот на август ќе бидат дефинирани сите кандидати за градоначалници во општините во кои со свој кандидат ќе настапи СДСМ.

Претходно СДСМ објави триесетина кандидати за градоначалници од кои повеќето се веќе актуелните.

Leave a Reply

Your email address will not be published. Required fields are marked *

*