Бездомните кучиња го “ чуваат “ Пазарот

        Проблемот со кучињата скитници во Битола и натаму ги револтира битолчани.

        Овој проблем е особено изразен во Новиот  градски пазар, каде купувачите едноставно поради бројните кучиња скитници се плашат да  пазарат.

        Утринава две големи кучиња буквално го “ завзедоа “ главниот влез во Пазарот, па така голем број купувачи плашејки се од нив не можеа да влезат и мораа да ги заобиколуваат кучињата.

-Ова навистина нема смисла со кучињата скитници.

Јас не знам како надлежните не го гледаат овој проблем. Пред некој ден кучињата кои во Пазарот ги има во голем број се “ скасаа “ меѓу себе, па така од нивната бркотници толку многу ми се исплаши внучето кое  цел ден никако не можев да го смирам, ни вели од купувачите кои денеска најмногу се исплаши од бездомните кучиња  кои го “ чуваа“ Пазарот во Нова Битола.