Битолски Весник Весник што се чита и прераскажува 60 години со читателите
Во битолската Магаза, синоќа, во рамки на Битфест, ретроспективна изложба со 150 фотографии, промовираше, фоторепортерот и новинар на Битолски весник, Сашо Ристевски.
– Иако беше тешко од голем број на настани и илјадници фотографии да се изберат најдобрите и најубавите, сепак мислам дека успеав да понудам впечатлива селекција на слики кои ја прават големата слика за „Битфест”. Секоја фотографија сведочи за секој културен настан, а јас повеќе сакав да ги сликам вечерните манифестации бидејќи работам без блиц, без светлина и на тој начин сакам да го доловам и прикажам тоа што се случува, посочи Ристевски.
Битолското културно лето „БитФест” се одржа под покровителство на градоначалникот Владимир Талески и Општина Битола.
