Битолски Весник Весник што се чита и прераскажува 60 години со читателите
Во последните пет години од Битола се исселени над 30.000 граѓани, од Ресен се иселиле над 1.900 жители, а од Охрид околу 8.000 жители.
Срамно е за една држава нејзините граѓани да вадат пасоши на други држави, за да бараат спас надвор од својата родна грутка.
Затоа доколку се изборам да станам пратеник во Петтата изборна единица, пред се ќе се залагам да се справиме со “ белата чума “ и да го спречиме иселувањето на луѓето од овој регион.
Ова го изјави на прес-конференција кандидатот за пратеник и носител на листата во Петтата изборна единица од Коалицијата „Коалиција за промени и правда“, Александар Делов.
Делов на првото појавување пред битолската јавност како кандидат за пратеник ги презентираше програмските цели на оваа коалиција и обврските кои тој ќе ги преземе доколку стане пратеник во Собранието на Република Македонија.
-Иселувањето на граѓаните од Битола, Охрид, Струга, Демир Хисар и Кичево е најголем проблем со кои се среќаваат граѓаните во овие општини. Ние се бориме за да ја вратиме и задржиме младината и да им обезбедиме пристојни услови за работа и живот, истакна Александар Делов, носител на листата во петтата изборна единица од Коалицијата за промени и правда.
Б.В.
