Битолски Весник Весник што се чита и прераскажува 60 години со читателите
ЕВН Македонија, во рамките на своите активности како општествено одговорна компанија, ја отвори третата читалница во земјава. Читалницата е сместена во НУУБ „Св. Климент Охридски“ во Битола, а нејзиното отворање е еден вид продолжение на проектот за поддршка на македонската литература и творештво и поттикнување на читачките навики.
-Целта е да се поттикнат учениците да создаваат здрави навики за читање и интелектувален развој од мали нозе и да го негуваат македонскиот јазик- изјави Атанас Ковачевски, портпарол на ЕВН Македонија.
Еднаш неделно во оваа читалница ќе се одвиваат едукативни работилници за ученици од 6-14 години, спроведувани од асоцијацијата за истражување, комуникации и развој „Паблик“, во соработка со Здружението за граѓански активизам „Форум 16“ од Битола.
Учесници во оваа фаза се учениците од основните училишта „Коле Канински“, „Св. Кирил и Методиј“ и „Св. Климент Охридски“.
