Home / Uncategorized / Газда Нини сведочеше во судскиот спор Груевски- Заев

Газда Нини сведочеше во судскиот спор Груевски- Заев

Српскиот бизнисмен Јовица Стефановиќ – Нини денеска во Основен суд Скопје 2 сведочеше во судскиот спор Груевски -Заев, во кој премиерот Никола Груевски го тужи лидерот на СДСМ, Зоран Заев за клевета и од него бара 500.000 евра оштета за душевна болка.
– Не ги познавам ни Груевски, ни Заев. Никогаш не сум зборувал со Груевски за продажбата на банката, а акциите ги купив на берза. Сум слушнал за нив. Акциите се купени од „Јака Радовиш” на берза, а јас само го потпишав решението за купување акции од „Македонска банка”, кои ги купивме преку брокерска куќа. Никој дотогаш не знаеше дека ние ги купуваме акциите. Откако ги купивме, ги префрливме парите на брокерска куќа, која потоа им ги исплатила на сите што продаваа акции од „Македонска банка”, – рече Нини во своето сведочење.
Инаку денеска на судењето не се појавија ниту Груевски, ниту Заев, туку нив ги застапуваа нивните адвокати.
Се очекува судењето денеска да заврши со сослушување на сведоците и презентирањето на доказите.
Б.В.

Leave a Reply

Your email address will not be published. Required fields are marked *

*