Детскиот хор „Ѕвончиња“ и вокалната група „Мелодиум“ утре, в сабота, со почеток во 21 часот, ќе одржат хуманитарен концерт по повод 9-годишнината од постоењето на „Ѕвончињата“ и третиот роденден на „Мелодиум“ во Центарот за култура во Битола.
На музичкиот настан ќе се испреплетат звуците на класичната музика, класиците од германската школа, црнечки спиритуали, проследени со звуците на инструментите, кои ќе произлезат од учениците од Музичкото училиште во Битола.
Концертот ќе биде под водство на Марина Коруновска, професорка по соло-пеење во Музичкото училиште во Битола.