Битолски Весник Весник што се чита и прераскажува 60 години со читателите
Градоначалничката на Битола, Наташа Петровска денеска објави дека општина Битола поднесе кривична пријава против екс градоначалникот на Битола, Владимир Талески и други лица за легализацијата на планинарскиот дом “Копанки”.
Кривичната пријава против Талески и другите лица е поднесена за злоупотреба на службената положба при донесувањето на правниот акт за легализација на планинарскиот дом “ Копанки”.
Актуелната градоначалничка на Битола, Наташа Петровска испрати молба до судските органи што побрзо да го расчистат не само овој случај со легализацијата на “ Копанки “, туку и другите судски предмети кои се водат против екс градоначалникот на Битола, Владимир Талески, кои сеуште немаат судска разрешница.
– Јас ја поништив легализацијата на “Копанки “ која претходно беше донесена од Талески, со која домот му беше даден на ПСК “Пелистер”. На таквото решение на општината Битола, ПСК Пелистер поднесе жалба до Министерството за транспорт и врски, со која го обжали решението. Но Министерството за транспорт и врски одлучи дека жалбата е неоснована.
Планинарскиот дом “ Копанки “ е објект за кој општина Битола е подготвена да изврши целосна реконструкција како би можеле сите битолчани, љубители на планината, заедно повторо да пијат на “Копанки”, истакна градоначалничката Наташа Петровска, на денешната прес конференција.
