Битолски Весник Весник што се чита и прераскажува 60 години со читателите
Жителите на битолското револуционерно село Лавци во Битола. денеска добија нов асфалтен пат.
Патот, кој денеска свечено во употреба го пуштија министерот за информатичко општество и администрација, Иво Ивановски и градоначалникот на Битола д-р Владимир Талески е во должина од 758 метри.
Неговата вкупна вредност изнесува околу 8 милиони денари.
Изградбата и асфалтирањето на патот е со средства што Владата ги обезбеди од Европската банка и во соработка со општина Битола, рече министерот Ивановски на промотивниот настан во овој град.
Жителите на Лавци овој пат го бараа подолго време и затоа беше составен дел на владината и општинската програма на градоначалникот Талески. Владата обезбеди 5,5 милиони денари, а останатите 2,3 милиони денари ги обезбеди општината.
Секогаш кога општините, градоначалниците, имаат добри проекти, тогаш Владата излегува во пресрет и помага со цел да се развие патната инфраструктура во Република Македонија, а со тоа и економијата, бидејќи инфраструктурата е еден од најзначајните сегменти за развој на економијата во урбана или рурална средина”, истакнаа на свеченоста по повод пуштањето во употреба на новиотпат Битола- Лавци, градоначалникот на Битола, Владимир Талески и министерот Иво Ивановски.
Б.В.
