Home / Македонија / Ристоска: Правдата излезе на виделина

Ристоска: Правдата излезе на виделина

Изразуваме задоволство од пресудата на Кривичниот суд, правдата излезе на виделина, изјави обвинителката Ленче Ристоска, откако Кривичниот суд ги прогласи за виновни седумте обвинети во предметот Тврдина 2, меѓу кои е и поранешниот началник на Петта управа, Горан Грујевски.

– Ваквата одлука е во рамки на нашите очекувања. Ние рековме дека имаме цврсти докази против обвинетите и судот тоа го потврди – рече Ристоска.

Во врска со тоа што судот ги прогласи за виновни и шесте службенички вработени во УБК, Ристовска посочи дека тоа испраќа порака дека службениците што извршуваат наредби не смеат да бидат амнестирани.

– Не може подредените да бидат изземени затоа што постапувале по наредба. Одговорност мора да има. Очекуваме осудителни пресуди и за другите случаи на СЈО – додаде Ристоска.

Првообвинетиот Горан Грујевски, кој е во екстрадициски притвор во Солун, доби 18 месеци затворска казна. Службеничките што постапувале по неговата наредба се условно осудени.

Leave a Reply

Your email address will not be published. Required fields are marked *

*