Битолски Весник Весник што се чита и прераскажува 60 години со читателите
„Древниот сон“ е насловена самостојната изложба на Тони Чатлески – Чатле која ќе се одржи на 27-ми мај во 20 часот во Центар за култура Битола.
Станува збор за триесетина опсесивни платна (од кои дел се изложени овде) кои на прв поглед го збунуваат гледачот, но секое задлабочување не’ упатува кон насловот на овој скромен текст дека овие слики се насликани во сон. Сите сонуваме, тоа е нештото што човечките битија ги одделува од будниот живот, тоа можеби се два паралелни света што постојат во нас независно еден од друг, едниот тајновит (сонот), другиот реален (дневниот живот ) и можеби единствено можат да се соочат и да се допрат во творештвото: сликата, напевот, поезијата, романот…пишува Трајче Крстевски за сликарството на Тони Чатлески.
