Битолски Весник Весник што се чита и прераскажува 60 години со читателите
Иако изборната кампања трае 20 дена, таа е сепак прекуса за да се набројат сите проекти кои ДПМНЕ ги ветуваше, а не ги оствари. И покрај тоа што не ги остварија тие без грам срам излегуваат и повторно ветуваат брда и долини, а повеќе од јасно е дека нивните ветувања остануваат само на хартија. Меѓу нив спаѓаат и филмскиот град и оперската куќа.
“Планирани се два филмскипроективо нашиот град и во околината.” -Ова е изјавата на Талески уште во далечната 2005 година – 8 години подоцна, во 2013 година, битолскиот градоначалник се пофали со филмскиот град во просторот на старата касарна, кој помпезно го најави како грандиозно филмско студио каде ќе снимаат филмови и најголемите светски ѕвезди- изјави на прес-конференција кандидатот за советник од СДСМ и Коалицијата, Дејан Трајковски.
Денес, токму на ова место, каде требаше да се снима некој холивудски филм, останат е пустош, трева и отпадоци.
Од Дпмне се должни да одговоратколку пари на граѓаните потрошија за идејата „Битола филмски град”?
-Исто така, во 2005 година, најавен беше уште еден култен проект – формирање на оперска куќа, со што Битола би станала метропола на операта и балетот, со изведби од домашни и светски уметници.
Наместо тоа се реализираа неколку опери во Центарот за култура и оперската ќука згасна исто како и што се појави – брзоплето и без реални планови за иднина и 12 години по ветувањето, нема никаква трага од оперска куќа во Битола. И по незнам којпат се наметнува истото прашање -како може битолчани да им веруваат сега кога 12 години освен празни ветувања не направија ништо . Битола остана заглавена помеѓу ветените а неисполнети проекти на тандемот Талески – Илиоски. Затоа на 15-ти октомври сите заедно да им ставиме крај на ерата на политичарите кои од нашиот град направија слепо црево бидејќи Битола не заслужува уште еднаш вакво зло да и се повтори!- порача кандидатот за советник од СДСМ и Коалицијата, Дејан Трајковски.
