Битолски Весник Весник што се чита и прераскажува 60 години со читателите
Денеска во Битола се одржа презентација на тема: Можности за советување и поддршка на мали бизниси преку Европската банка за обнова и развој.
На настанот учествуваа претставници од ЕБОР, од бизнис секторот, граѓанскиот сектор итн. Пред присутните беа презентирани досегашните успешни примери на развој на одредени бизниси кои повеќе години функционираат кај нас, а по советите од експерти на ЕБОР, станале уште поуспешни и поконкурентни како на домашниот, така и на надворешниот пазар.
На стопанствениците, советите од ЕБОР им помагаат во советодавниот дел нивните бизниси да бидат што поуспешни и на домашниот пазар, но и конкурентни и на другите пазари.
-Како ЕБОР ја промовираме идејата дека пристапот во знаење е подеднакво важен за раст на компаниите , како и пристапот на финансии. Многу од компаниите направиле промени во начинот на нивното работење, само на база на еден добар совет од компетентна личност и во вистинско време . Досега во Македонија сме работеле со 690 компании од различни сектори и резултатите покажуваат дека компаниите ја зголемуваат нивната продажба, во просек од 70 проценти, што е исклучителен податок кој покажува дека нашата интервенција носи кон развој на бизнисот- изјави Маја Антевска, претставник на ЕБОР во Македонија.
Б.В.
