СВР Битола со препораки до граѓаните за безбедно прославување на новогодишните празници

За безбедно прославување на Новогодишните и Божикните празници,Секторот за внатрешни работи Битола, им  препорачува на граѓаните  да ги почитуваат следните совети:

НЕ КОНЗУМИРАЈТЕ АЛКОХОЛ ВО ГОЛЕМИ КОЛИЧИНИ- АЛКОХОЛОТ Е ГЛАВНА ПРИЧИНА ЗА СООБРАЌАЈНИ НЕЗГОДИ

Но доколку планирате да конзумирате алкохол-немојте да управувате со моторно возило-користете такси превоз или предадете ги клучевите од моторното возило на Ваш близок кој не конзумира алкохол.

ДА НЕ НАБАВУВАТЕ И КОРИСТИТЕ ПИРОТЕХНИЧКИ СРЕДСТВА НА ЈАВНИ И ДРУГИ МЕСТА

Со користењето на истите,представувате голема опасност за самите себе и за останатите кои се во зоната на дејство на пиротехничките средства(петарди,светлечки проектили,огномети и сл).

Ангажирајте лиценцирана фирма која што поседува лица обучени за нивна употреба.

ДА НЕ КОРИСТИТЕ ОГНЕНО ОРУЖЈЕ,ГАСНИ ПИШТОЛИ

Со користење на истото,претставувате голема опасност за самите себе и за останатите кои се во Ваша близина.

ЗАШТИТЕТЕ СЕ ОД КРАЖБИ

Задолжително,пред напуштање на домот,обезбедете го Вашиот дом и Вашите скапоцени предмети. Не чувајте пари,накит и други вредни работи во Вашиот дом.

Внимавајте на Вашето моторно возило, не оставајте вредни предмети на видливо место и не го оставајте отклучено со клучевите на брава.

Ве советуваме внимателно користење на социјалните мрежи како и објавување на слики,места и слично со што им укажувате на останатите дека во моментот не сте дома и сте лесен плен за кражба.

ЗАШТИТЕТЕ СЕ ОД ПОЖАР

Пред напуштање на Вашиот дом, проверете ги куќните апарати ,лампи,свеќи, и останати апарати или предмети кои можат да предизвикаат пожар.

БИДЕТЕ ВНИМАТЕЛНИ ДОКОЛКУ ПРОСЛАВУВАТЕ НА ЈАВНО МЕСТО

Доколку во средината каде прославуватњ,забелешите лице или група на лица кај кои е можно нивното прославување да излези од контрола,оддалечете се и пријавете кај најблискиот полициски службеник или на 192,или доколку сте во угостителски објект пријавете кај сопственикот на локалот.

БИДЕТЕ ВНИМАТЕЛНИ ДОКОЛКУ ПРОСЛАВУВАТЕ НА ЈАВНО МЕСТО ДРУГА ДРЖАВА

Никогаш не се движете сами-секогаш во група, затоа што на тој начин се заштитувате сите меѓусебно.

Одржувајте контакти со најблиските, пред заминување обезбедете  телефонски број и дополнителни информации за најблиското конзуларно преставништво или амбасада.

 

СЕКТОРОТ  ЗА  ВНАТРЕШНИ  РАБОТИ – БИТОЛА ВИ ГИ ЧЕСТИТА НОВОГОДИШНИТЕ И БОЖИКНИТЕ ПРАЗНИЦИ.

 

 

Б.В.