Битолски Весник Весник што се чита и прераскажува 60 години со читателите
Здружението на граѓани за почитување на прописите од Битола, во врска со работата на СЈО, поднесе кривична пријава против дел од обвинителите Катица Јанева, Трајче Пеливанов и истражителот Љуљзим Јашари, како и против вештаците ангажирани од нивна страна во врска со предметот познат како „Транспортер“.
-Повод за оваа кривична пријава е тоа што цените кои се спомнуваа за превоз на учениците во Битола не се највисоки, а во прашање се и парите кои како награда им се доделени на вештаците. Директните плаќања кон вештаците и парите платени на правни субјекти поврзани со нив, на нивни блиски или пријатели, кои се во милионска вредност. Симптоматична е висината на тие пари и асоцираат дека од вештаците е барано да направат вештачење кое можеби и не ја одразува вистинската слика. Станува збор за злосторничко здружување од нивна страна со цел да извршат притисок врз обвинетите од овој предмет, а и нивна корист. СЈО преку креирање на предмети, создава услови за високи награди, истакнува Васко Костевски, претседател на Здружението.
Тој обелоденува дека СЈО исплаќало милионски суми, како на вештаците, така и на правни субјекти кои се во сопственост на роднини на вештаците.
Апелираат ОЈО да спроведе истрага вистината да излезе на површина.
