Заев се извини:“ Педерите“ ја имаат мојата поддршка!

Премиерот Зоран Заев вели дека зборот „педер“ го употребил за да даде карактерна особина, а не да означи сексуална припадност, откако вечерва изјави дека нема да дозволи „неколку криминалци, еден суетен новинар и еден педер“ да ја симнат оваа влада од власт, како одговор на новинарско прашање дали знаел за рекетот на Бојан Јовановски – Боки 13.

Во твитот на Заев, кој уследи по бурата реакции во јавноста на неговата претходна  изјава, тој вели:

„ЛГТБТИ заедницата ја има мојата голема почит. Затоа, пред да го употребам зборот „педер“ упатив извинување. Тој збор го употребив за да дадам карактерна особина, а не да означам сексуална припадност. Извинување за ЛГТБТИ луѓето. Ќе се борам за нивните права, како и досега“, порача Заев на Твитер.