Врховниот суд ги потврди пресудите на Груевски и Јанкулоска за „Тенк“

Странува збор за пресуди за предметот „Тенк“, во кој поранешниот премиер беше осуден на две години затвор а ексминистерката за внатрешни работи на казна затвор во траење од 4 години.

Врховниот суд на Република Северна Македонија во соопштение објавено на веб-страницата на судот, ја информира јавноста дека на 17-ти септември 2020 година, одлучило по предметите заведени под КВПКОК2КВПбр.6/19 и КВПКОК2КВПбр.7/19, кои се оформени по поднесените барања за вонредно преиспитување на правосилна пресуда, поднесени од осудените Никола Груевски, Ѓоко Поповски и Гордана Јанкулоска.

„Со донесените пресуди Врховниот суд на Република Северна Македонија ги одби поднесените барања на осудените, поднесени лично од нивна страна и преку нивните бранители и ги потврди пресудите на Апелациониот суд Скопје“, соопшти Врховниот суд.

Странува збор за пресуди за предметот „Тенк“, во кој поранешниот премиер Никола Груевски беше осуден на две години затвор за примање награда за противзаконито влијание за набавката на луксузен „мерцедес“, а поранешниот помошник-министер во МВР, Ѓоко Поповски на 6 години и шест месеци за злоупотреба на службена должност и овластување.