Битолски Весник Весник што се чита и прераскажува 60 години со читателите
Во Битола над 300 битолчани аплицирале за добивање субвенции за купување на велосипед.
Поради големиот интерес за добивање субвенции, повеќе од јасно е дека парите кои ги издвои Општината Битола за таа намена, во износ од 1 милин денари, нема да бидат доволни за да можат најголемиот број од нив да добијат субвенции, кои изнесуваат најмногу до 5.000 денари за купување на велосипед.
Поради големиот интерес во Општината Битола размислуваат да објават уште еден јавен повик за издвојување на уште 1 милион денари за купување велосипеди.
Ваквиот голем интерес за купување и субвенционирање велосипеди е најдобра потврда дека во Битола битолчани се враќаат кон велосипедите како превозно средство и дека општината Битола мора да направи напори конечено да ги изгради велосипедските патеки.
