Битолски Весник Весник што се чита и прераскажува 60 години со читателите
Генералниот директор на АД ЕСМ, Васко Ковачевски и Претседателот на Синдикалната организација на Државните електрани на Република Северна Македонија, Јове Смилевски денеска потпишаа Спогодба за продолжување на важноста на колективниот договор за период од две години.
Спогодбата се однесува на Колективниот договор на друштвото потпишан во декември 2018 година.
По потпишувањето на Спогодбата двете страни изразија задоволство од квалитетот на социјалниот дијалог кој во континуитет се одвива во АД ЕСМ .
Менаџментот на компанијата и синдикалните претставници на вработените потенцираа дека отворената и искрена комуникација помеѓу двете страни ќе продолжи и во иднина, со цел понатамошно подобрување на условите за работа на вработените во најголемата енергетска компанија во земјава, како и заштита на нивните права.
