Битолски Весник Весник што се чита и прераскажува 60 години со читателите
На пет локации на улицата „Васко Карангелевски“ во Битола поставени се 12 подземни контејнери за собирање на отпад.
По поставувањето на контејнерите градоначалниката на Битола, Наташа Петровска изјави:
-Извесен период се реализираат низа зафати на оваа улица, односно се постави ново лед осветлување, ново хортикултурно уредување со нови зазелеленети и цветни површини, поставени се клупи, како и активности за смирување на сообраќајот. Но токму промоцијата на поставувањето на 12 подземни контејнери дава растеретување на просторот, во интерес на граѓаните и заедницата, поголема функционалност и пријатност за опкружувањето. Бидејќи започнавме со инфраструктурни активности и кај Довлеџик, подоцна треба да продуцира и инфраструктурен дел до оваа улица кој ќе подразбира реализација на велосипедските патеки. Ова претставува интегриран, комплетен пристап на промена на инфраструктурата и на она што значи урбано живеење. Би замолила да покажеме како граѓани свест и будност дека треба да се грижиме за се ова заедно, бидејќи се ова што се поставува и се сади е убаво за сите нас“, рече Петровска.
-Граѓаните имаат точно предвиден отвор за поставување на отпадот. Не би сакале да гледаме слики на отпад наоколу, на користење на отпад од други локации, или пак на градежен шут и други типови отпад кои што не се соодветни за постапување во овие подземни контејнери“, посочи Богоевски.
