Битолски Весник Весник што се чита и прераскажува 60 години со читателите
Утре во Битола свечено ќе биде отворено годинашното јубилејно 15 по ред издание на фестивалот “ Локум фест“.
„Локум фест“ е фестивал кој започна да се одржува пред 15 години во Старата битолска чаршија.
Станува збор за фестивал кој ги негува традициите на конзулска Битола, кога со локум и кафе се пречекуваа комшиите, патниците,добронамерниците…
Всушност една од главните функции на Фестивалот е преку различните музички форми (традиционални и стилизирани, чалгија, fusion, world music) да се покаже сиот амалгам и раскош на култури, етноси и обележја на конзулска Битола.
Во изминатите четиринаесет години на Локум фест настапиле преку седумдесет групи и ансамбли од како од Македонија, така и од дваесетина земји од регионот, Европа и светот. На Локум фест настапиле изведувачи од : Египет, Индија, Кина, Норевешка, Данска , Шпанија, Јапонија, Шведска, Исланд, Унгарија, Полска, Германија, Хрватска, Словенија, Србија, Албанија, Турција, Бугарија, Бразил, итн.
Покрај музичкиот дел Фестивалот во соработка со ЗУР Македонски ракотоворби веќе петнаесета година се оддржува „ Саем на ракотворби “ мотивирани од народната традиција, сегмент кој му дава колорит и дух на фестивалот.
Посебен акцент оваа година ќе биде ставен на соработката со Државниот архив – одделение Битола, благодарејќи на која посетителите ќе имаат единствена можност да го видат “Грамофонот на Манаки“ , кој ќе биде изложен заедно со автентични фотографии од боемскиот живот и чалгии од минатиот век.
Оваа година на самиот Јубилеј, програмата е богата и ексклузивна и го навестува идниот курс на фестивалот.
Фестивалот започнува со настапот на Влатко Стефановски трио на Хераклеја (22.07), за да наредниот ден (23.07) во Пациото на -НУ Завод и Музеј настапи единственото дуо Драган Даутовски со неговиот син Ратко Даутовски и промоција на албумот Apocalypticum.
Третата вечер (24.07) на фестивалот на Широк сокак и старата битолска чаршија, ќе настапат КУД Илинден, а ќе биде отворена и изложбата „ 40 години Мал битолски Монмартр “ за да продолжи на неколку локации со настап на чалгиски ансамбли и дополнителни соддржини.
