Битолски Весник Весник што се чита и прераскажува 60 години со читателите
Денеска во Битола почна реконструкцијата на ул. „Ари Ангелевски“, која опфаќа промена на канализационата мрежа, водоводните приклучоци и нов коловоз.
По повод почнувањето на реконструкцијата градоначалничката, Наташа Петровска заедно со тимот кој работи на овој проект, извршија увид во градежните активности и беа запознати со динамиката на изведба на активностите.
За оваа улица, од општинскиот буџет се издвоени 2.015.502 денари за канализационата мрежа, за активностите во однос на водоводната мрежа 1.106.841 денар и за реконструкцијата на коловоз 2.339.428 денари, со што вкупната инвестиција на оваа улица е 5.461.771 денар.
Реконструкцијата на ул. „Ари Ангелевски“ е дел од програмата на градоначалничката Наташа Петровска, во делот на комунални дејности и уредување на градежно земјиште на Општина Битола, се вели во соопштението на локалната самоуправа на Битола.
