Битолски Весник Весник што се чита и прераскажува 60 години со читателите
Националниот парк Пелистер покрај без планинарскиот дом Копанки остана и без Ловачеката куќа.
Според информации на Битолски весник и фотографиите кои ги добивме од битолски планинари и ренџерската служба на Националниот парк Пелистер јасно се гледа дека Ловечката куќа на Пелистер изгорела целата.
Засега не се знае точно кога се случил пожарот, бидејки во Против пожарната единица во Битола никој не пријавил дека имало пожар, а во СВР Битола само ни одговорија дека имало пријава до нив, но не сакаа да одговараат ни како,ни кога се случил пожарот.
Чудно е како никој не го забележал пожарот и не пријавил досега во Против пожарната единица.
Инаку не се знае кој бил задолжен за управување со Ловечката куќа и на кој концесионер била истата дадена.
Дознаваме дека Ловечката куќа била целосно реновирана и опремена за престој во неа.
