Битолски Весник Весник што се чита и прераскажува 60 години со читателите
Полициски службеници од Криминалистичка полиција при СВР Битола вчера ги лишиле од слобода Б.В.(23) од Битола, Е.В(29) од Битола и Х.В.(52) од с.Канатларци, Прилепско.
Тие се сомничат дека во последните два месеци извршиле 18 тешки кражби во куќи и ормари на мобилен оператор на подрачјето на Битола, при што одзеле разни предмети, се вели во информацијата на СВР Битола.
Во службен разговор во полициска станица тие ги признале делата. Тие биле задржани во полициска станица и по целосно документирање на случаите против нив ќе биде поднесена соодветна пријава, информираат од СВР Битола.
