Битолски Весник Весник што се чита и прераскажува 60 години со читателите
Локалната власт го изгуби мнозинството во Советот на Битола
На вчерашната седница, за прв пат откако е конституиран Советот на Битола, локалната власт предводена од СДСМ го изгуби мнозинството.
На предлог на советничката листа “ Поинаку“, поберана е информација и решавање на проблемот со загаденоста и смрдеата на водата во реката Драгор на влезот во Битола гласаа и тројца советници од мнозинството.
Имено со 16 гласови за, наспроти 15 против, од страна на локалната власт, советниците ја изгласаа точката да се подготви информација за тој проблем.
Тоа е прв пат откако е конституиран Советот локалната власт да биде надгласана од страна на опозицијата.
Имено овој пат иницијативата на опозицијата ја поддржаа и тројца советници од мнозинството на СДСМ. За предлогот на независната листа на “ Поинаку “ гласаа и советниците од ДОМ, ДУИ и листата на пензинери.
На тој начин локаланата власт го дожиеваа првиот пораз во Советот н Битола, што ги загрижи советницте од мнозинството.
Дали со вчерашното гласање на повидок е создавање на ново мнозинство во Советот на Битола и паѓање на локалната власт, е прашање кое во моментот е најчесто поставувано во битолската политичка јавност.
