Битолски Весник Весник што се чита и прераскажува 60 години со читателите
Графичката струка од СОУ „Таки Даскало“ – Битола во соработка со Друштвото на писатели „Битолски книжевен круг“ деновиве реализираше донација на книги и обележувачи за книги по повод 23 април – светскиот ден на книгата и авторското право. Учениците графичари во текот на месеците март и април изработуваа обележувачи за книги по сопствен дизајн за кои користеа познати, но и сопствени мисли за книгата и читањето, а беа изработени и обележувачи според корици на книги од писателите од Битолскиот книжевен круг.
Околу 1000 обележувачи беа донирани заедно со огромен број книги кои ги подарија писателите од Битолскиот книжевен круг, како и со изданија на СОУ „Таки Даскало“. Донациите беа доставени до училишните библиотеки на сите основни училишта од Битола, како и на Педагошкиот факултет – Битола.
