Битолски Весник Весник што се чита и прераскажува 60 години со читателите
Доцна синоќа пред битолските социјал демократи се претстави кандидатот за претседател на СДСМ, Димитар Ковачевски.
Според него во оваа фаза во која се наоѓа партијата важно е да се отворат клучните прашања за проблемите во општеството, да заживеат месните организации, да се активираат старите членови кои со времето станале пасивни и да се формира одговорен и посветен тим кој носи одговорности.
За гласањето на внатрепартиските избори има уште двајца кандидати за лидер на СДСМ, Фросина Ременски и Јован Деспотовски.
-Имаме знаење, имаме потенцијал а СДСМ располага со многу квалитетни луѓе. Ако можеме да создаваме најквалитетни производи кои завршуваат на светски и европски најпребирливи пазари, можеме квалитетно да работиме и за напредок на земјата.
Ветувам поставување на способни и стручни лица на клучните позиции, целосно посветени на работата и во служба на граѓаните.
Најавувам ангажирање на дел нови лица, но и активирање на дел подзаборавени но искусни експерти. Кога политиката е опкружена со стручност, тогаш таа прераснува во менаџмент и конкретен резултат за граѓаните. Тоа е основната идеја на оваа моја реформска мисија“ истакна Ковачевски пред битолските социјалдемократи..
