Битолски Весник Весник што се чита и прераскажува 60 години со читателите
Во Битола продолжува инвестицијата на локалната самоуправа во месните и урбаните заедници, преку обновување на просторните услови на објектите, како една од заложбите во програмата за работа на градоначалничката на Општина Битола, Наташа Петровска.
Во селото Логоварди, кое е во непосредна близина на градот, долги години имаше неупотреблив, руиниран објект на месната заедница.
Моментно во тек е целосна реконструкција на објектот, каде се работи на ѕидовите, таваните, прозорите, санитарните чворови и подовите, во вредност од околу 600.000 денари, со што ќе се добие функционален и енергетски ефикасен објект.
Дел од жителите на селото денес се сретнаа со градоначалничката Наташа Петровска, која го посети објектот и изврши увид во градежните работи. По реконструкцијата, објектот со топол и уреден амбиент ќе биде место за дружење, одржување на низа активности и средби на жителите од сите возрасти во селото. Жителите искажаа голема благодарност до градоначалничката, бидејќи ветеното до нив, во повеќе наврати е реализирано. Разговараа и за можноста за санација на дел од улиците, при што Петровска истакна дека во Општина Битола веќе се работи на проект за уредување на улиците во селото, во вредност од над 6 милиони денари.
Градоначалничката Петровска заедно со дел од тимот задолжен за реализација и локалното население, го посетија и основното училиште во село Логоварди.
