Битолски Весник Весник што се чита и прераскажува 60 години со читателите
До официјалното прогласуање на најуспешните битолчани за 2021 година, по изборот на читателите на Битолски весник остануваат само уште три дена.
На три дена пред Изборот се е подготвено за уште едно спектакуларно прогласување на најуспешните битолчани, кои во 2021 година со своите резултати се афирмираа себеси, но ја афирмираа и Битола.
Како и во изминатите години Манифестацијата на Битолски весник ќе се одржи во најголемиот и најрепрезентативен ресторан во Битола, Вавилон, кој и оваа година ќе биди претесен да ги прими сите гости, кои ќе сакаат во живо да го проследат Изборот.
На три дена пред официјалното прогласување на најуспешните Вавилон е буквално распродаден.
Во најголем дел познати се и добитниците на признанијата.
Од преку стотина кандидати, кои конкурираа за признанијата на Битолски весник и оваа година како и во изминатите 22 ќе бидат доделени над 30 признанија во официјална конкуренција, а ќе бидат доделени и посебни признанија.
На свеченото прогласување најавено е доаѓање на голем број гости.
Како и во сите изминати неколку години Изборот на најуспешните битолчани ќе се одржи под покровителство на германската компанија “Кромберг и Шуберт”.
