По кусо боледување почина српскиот политичар Драган Марковиќ Палма

Вечерва, на 64-годишна возраст, по кратко боледување, почина Драган Марковиќ Палма, претседател на Единствена Србија, пратеник и претседател на Градското собрание на Јагодина, пишува Телеграф.

Драган Марковиќ Палма стана познат во регионот откако изјави дека „само Бетовен и Шопен не му свиреле и пееле затоа што тогаш бил мал“ (Бетовен и Шопен живееле на крајот на 18 и почетокот на 19 век).

Во Јагодина изградил зоолошка градина каде донел жирафа по име Јованча која била донирана од српски нафтен тајкун, а со случајот се занимавало и српското обвинителство бидејќи се сомневало дека жирафата била искористена како поткуп.

Подоцна, Палма имаше повеќе бизарни испади и афери. Неговата идеја да им дели пари на сиромашните луѓе, пред камери, секако наиде на критики.

Во една прилика поставил тоалети и туш кабини на нивите околу Јагодина, кои потоа свечено ги отворил.

Тој тогаш објасни дека на секои 300 метри ќе се поставуваат бањи покрај нивите во сите 52 села во општина Јагодина.

„Сакаме кога земјоделецот ќе дојде на нива, кога е жешко, да може да се истушира“, објасни тој во 2019 година.

Пред две години, во октомври 2022 година, Палма тврдеше дека во Кончарево пристигнал камен кој што бил фрлан на Исус Христос.

„Денес е голем ден за Кончарево, за Јагодина и за Србија. Во храмот на Свети Јован Крстител, од Светата земја, од Ерусалим, честички од моштите на ерусалимските маченици, каменот од Голгота со кој беше погоден Исус Христос, каде беше мачен и каде беше страдан, како и свеќата што го означува печатот кога светиот оган ќе се појави од Ерусалим на Велика Сабота“, рече тогаш Палма.

Фото: Политика