Почина вработен од Затворот во Битола од Ковид 19

       

        Вработен од  битолскиот затвор, на возраст од 47 години  почина во Клиничката болница во Битола  од Ковид-19.

Ова го изјави директорката на Клиничката болница во Битола, д-р Билјана  Гагачовска.

Притоа таа изјави дека  во битолскиот  затвор позитивни  на Ковид 19  се 16 осуденици, кои имаат лесни симптоми, а  едно лице  е примено да се лекува во битолската болница.

-Пациентот  беше примен  во тешка состојба со добиен податок дека десеттина  дена имал симптоми. Примен е на 24 декември поради влошена состојба и пад на сатурацијата. Иако му беше дадена соодветна терапија и преземени лекарски мерки, пациентот почина утрото на 25 декември“, ни изјави д-р Гагачовска.  

Директорот на  битолскиот затвор, Драган Крајовски ни  поврди дека се тестирани 20 осуденици од кои 16 покажале дека се позитивни на вирусот.

За сите нив   предложено е лекување  во домашни услови со редовни контроли од медицински персонал.