Битолски Весник Весник што се чита и прераскажува 60 години со читателите
Санација на спортските игралишта во Буковски ливади
Покрај поставените гумени облоги, кои корисниците на теренот ги заштитуваат од повреди при пад и им овозможуваат поквалитетна спортска игра, се изврши и соодветно бележење.
Денеска градоначалничката на Општина Битола Наташа Петровска, заменик градоначалничката Емилија Костурски, претседателот на Советот Валентин Груевски и дел од советниците, се сретнаа со претставници на локалното население.
Жителите на населбата изразија голема благодарност за санацијата на спортските терени, бидејќи овој простор, покрај часовите по физичко образование, децата и младите го користат како место за рекреација и дружба, особено во летниот период.
Градоначалничката Петровска посочи дека овој простор дополнително ќе се уредува хортикултурно, со поставување на клупи, патеки, но и рефлектори, со цел во летните месеци да може да се користи и во ноќните часови.
