СДСМ и советниците на Поинаку денеска заедно го чистеа Копанки

          Дали конечно политичарите во Битола ќе заборават на своите политички суети и предрасуди.

          Денеска членови на СДСМ предводени од кандидатот за градоначалник Христо Кондовски и носителот на советничката листа на оваа партија Александар Димовски заедно со советниците на независната листа Поинаку  ја чистеа ски патеката и домот Копанки.

-Битола мора да биде град по мерка на човекот, а тоа значи почитување на највисоките еколошки стандарди. Токму затоа со личен пример покажуваме како и новите генерации да ја сакаат планината и да ја чуваат чиста, рече денеска Христо Кондовски, кандидат за градоначалник на СДСМ за Битола кој се одѕва на повикот од граѓанската иницијатива „Поинаку“ и се приклучи на денешната еколошка акција на ски-патеката Копанки.

– Пелистер е едно од најголемите национални богатства во нашата држава. Планината со оваа еколошка акција која ја спроведуваат сите граѓани без разлика на политичка партија или организација, покажува дека може да се обединиме кон една заедничка цел, а тоа е почиста животна средина. Тоа е показател дека и во иднина, како идна локална самоуправа ќе се обединуваме за таа цел, односно граѓанинот ќе ни биде во прв ред, да имаме чиста животна средина и високи еколошки стандарди за секого. Благодарение на РЕК “Битола“, на ФОД, и Хотелот “Молика“ изградено  е плато кое ќе претставува значајно место за уживање на посетителите на ски-патеката Копанки. Децата ќе уживаат во детскиот ски-лифт, а репарирана е и патеката која качува горе до Копанки и ќе можат посетителите и уживателите во скијањето да се рекреираат. Ова покажува само едно – дека се обединуваме кон заедничка цел и како идна локална самоуправа ќе работиме за почиста и поздрава  Битола, ќе го развиваме туризмот во Потпелистерието и ќе се грижиме за ски-патеката Копанки“, рече Кондовски.

М.М.