Битолски Весник Весник што се чита и прераскажува 60 години со читателите
Советот на општината Битола, по речиси 5 месеци, се откажа од одржување седници “он лајн“, преку Зум апликацијата и одлучи седниците да ги држи во живо, со почитување на сите здравствени протоколи, носење маски, седење на дистанца и дезинфекција на рацете.
На денешната прва таква седница на дневен ред се најдоа завршните сметки и извештаите на јавните комунални претпријатија, како и претпријатијата чиј основач е Општината Битола.
На денешната седница беше верифициран мандатот на новиот член на Советот од ВМРО-ДПМНЕ Емилија Јошевска, кој дојде на местото на Олга Лозановска, која во меѓувреме стана пратеничка.
