Битолски Весник Весник што се чита и прераскажува 60 години со читателите
Старата битолска архитектура во Битола буквално се распаѓа. Во Центарот на градот има безброј стари куќи и објекти, кои се евидентирани дека се под заштита на државата, но како да се заборавени од институциите. На нив заборавиле дури и наследниците кои ги наследиле куќите, па ги оставиле едноставно да пропаѓаат.
Деновиве во строгиот центар на Битола една таква куќа од едната страна се сруши и во голема мера ги исплаши соседите. Куќата се наоѓа зад библиотеката, во чија непосредна близина има изградено станбена зграда, каде што живеат поголем број станари, а има и неклку деловни простории.
Соседите кои се доста исплашени и вознемирени по рушењето на куќата, не знаат чија е куѓата сопственост и не информираа дека за неа никој не се интересирал ни претходно, ни сега.
За жал во Битола има уште стотици такви куќи кои се заштитени, а се оставени на милост и немилост и кои во секој момент можат да се срушат.
