Понудената цена од 48 евра е со цел да не влијае негативно крајната цена за граѓаните

 АД ЕСМ  од 2019 година постојано е гарант и стабилизатор на цената на електричната енергија во услови на либерализација.

Иако законот ни дава можност да испорачуваме енергија од само 60 отсто  од потребите на ЕВН “Хоме”, а другите количини да ги продаваме на слободниот пазар и дополнително да заработуваме, АД ЕСМ повторно ќе испорача 100 проценти за потребите на граѓаните и малите потрошувачи.

        Што се однесува до цената, АД ЕСМ понуди пониска цена, од 48 евра за мегаватчас, затоа што со ваква цена ке има само благо покачување на крајната цена за граѓаните. ЕСМ учествува со околу 32 оттсо  во цената за крајните потрошувачи.

        Цената што ја понудивме е резултат на зголемениот ангажман на вработените,  кои со натчовечки напори и деноноќно ангажирање обезбедуваат електрична енергија за граѓаните и фирмите во овие исклучително тешки услови, особено кога има недостаток на мазут и природен гас во Јужна Европа. Резултат е и на оптимизирање на производството, зголемување на производството и намалување на зависноста од набавка на електрична енергија, навремено и квалитетно менаџирање на состојбите, намалување на непродуктивните трошоци,  намалување на вкупните трошоци за 15 отсто и во првите 5 месеци од годината заштедени се речиси 50 милиони евра. Така ќе се продолжи и во втората половина од годината.

Во услови кога цените се драстично зголемени и има недостиг на енергенси,  правиме натчовечки напори да се обезбедат дволни количини на јаглен и да се зголеми ископот за зголемено производство на електрична енергија во РЕК “Битола” и РЕК “Осломеј”, додека хидропотенцијалот, поради неповолната хидрологија, се жува за балансирање и системски услови, заради стабилно снабдување, се веи во соопштението на АД ЕСМ.

Не е коректно, во услови на енергетска и воена криза во Европа, т.н. експерти да внесуваат немир и дезинформации кај граѓаните со неодговорни настапи во јавноста.

ЕСМ покажа дека има капацитет да обезбеди снабдување со електрична енергија, и дека има помош и поддршка од Владата на Р. Северна Македонија, и така ке продолжиме и во следниот период и претстојната грејна сезона.