Битолски Весник Весник што се чита и прераскажува 60 години со читателите
Најголемиот број битолчани се збогуваа со Старата 2022 и ја дочекаа Новата 2023 година во домашна атмосфера и во битолските локали и ресторани.
Во организација на Општината Битола, централната манифестација за испраќање на Старата 2022 и дочекот на Новата 2023 година се случи пред Офицерскиот дом, каде присутните ги забавуваше групата Љубојна и Исмаил Лумановски.
На сите присутни на платото пред Офицерскиот дом среќна Нова 2023 година им посака градоначалникот на Битола, Тони Коњановски, кој им посака многу здравје,лична среќа и љубов во животот.
Инаку новогодишната ноќ во Битола, според информациите од СВР Битола и директорот на Клиничката болница, Александар Обедниковски помина во весела, но мирна атмсфера и без некои посебни нарушувања на јавниот ред и мир.
