Битолски Весник Весник што се чита и прераскажува 60 години со читателите
Повеќе од 24 часа по експлозиите во Њујорк, во кои беа повредени 29 лица, камерите за надзор покажале исто лице во близина на местото на експлозијата и на друга локација неколку блока подолу, каде што била пронајдена експлозивна направа, објави Си-ен-ен.
Сѐ уште нема уапсени.
Во истрагата полицијата го запре сообраќајот на еден од градските мостови.
– Го запревме сообраќајот на градски мост за да се претресе еден автомобил, но немаше основа за апсење и никој не е засега обвинет – изјави Кели Лонгмесер, портапролка на ФБИ.
До овој момент не е познат ниту мотивот за нападот.
Експлозијата се случи во квартот Челси на њујоршки Менхетен. Од 29-те повредени лица 26 се пуштени на домашно лекување.
Покрај бомбата што експлодирала, биле пронајдени и четири темпирани експлозивни направи, кои останале недетонирани, наведоа од Обвинителството во изјава за Си-Ен-Ен.
