Битолски Весник Весник што се чита и прераскажува 60 години со читателите
Каналот за атмосферски води покрај патот Брод – Гнеотино кој беше срушен од поплавите е бетониран.
Со подобрувањето на временските услови започнаа градежните работи на територијата на Општина Новаци .
Еден од претходно зацртаните проекти беше и бетонирањето на каналот за атмосферски води покрај патот Брод – Гнеотино, кој беше оштетен од минатогодишните невидени поплави кои ја зафатија оваа пелагониска општина.
-Започнавме со реконструкција на регионалниот патен правец Брод – Гнеотино, кој беше оштетен на некои места, кои беа погодени од поплавите кои минатата година ја зафатија Општината Новаци. Истовремено со реконструкцијата на патот се врши и бетонирање на каналот за атмосферски води. Вредноста на овој проект изнесува близу 5 милиони денари ,а средствата ги обезбедивме од општинскиот буџет – рече градоначалникот на Новаци, Лазар Котевски.
Паралелно со бетонирањето на каналот за атмосферски води Брод- Гнеотино се добетонира и 10-тиот канал во Новаци, а вредноста на овој градежен зафат изнесува 2,6 милиони денари , средства од Буџетот на Општина Новаци.
Б.В.
