Битолски Весник Весник што се чита и прераскажува 60 години со читателите
Пет лица се повредени и веднаш се пренесени во битолската Клиничка болница по сообраќајната несреќа што се случи рано изутрината на патот Битола – Прилеп.
Несреќата се случила околу 7.50 часот, кога “бмв“ со битолски регистерски таблички од засега непознати причини излетало од патот и се превртило.
Во возилото биле вкупно 5 патници кои веднаш по пријавата на несреќата со итна медицинска помош биле
пренесени во Клиничката болница.
Засега според информации на “Битолски весник“ сите патници се контактибилни и се надвор од животна опасност.
Инаку, според некои патници, кои денеска рано изутрината патувале за Скопје, патот Битола – Прилеп бил
замрзнат и лизгав, а поради густата магла сообраќајот се одвивал мошне отежнато.
Во СВР Битола ја потврдија сообраќајката, но не можеа да ни дадат подетални информации како дошло до истата.
Б.В.
