Даница Петличкова, по смртта на сега веќе екс претседателот Томе Димитровски е избрана за претседателка на Здружението на пензионери Битола.
Даница Петличкова , која во изминатиот период ја извршуваше функцијата заменик претседател(ка) на Здружението на пензионери, на оваа функција е избрана по ненадејната смрт на Томе Димитровски, кој неодамна почина на Скопските клиники поради компликации од ковид 19.
Даница Петличкова е доста позната општествено политички работник.
Таа зад себе има богата професионална, општествена и политичка кариера.
Долги години Петличкова беше советничка во Советот на Битола, претседателка на Здружението КЛЕА, а и во мандатот на Томе Димитровски како заменичка претседател(ка) беше доста активна.
Даница Петличкова функцијата в.д.претседателка на Здружението на пензионери Битола Новаци и Могила ќе ја обавува до редовните избори во Здружението.