Битолски Весник Весник што се чита и прераскажува 60 години со читателите
В недела, на 26 овој месец, во големата сала на Центарот за култура- Битола, познатиот италијански диригент маестро Алесандро д’Агостини ќе диригира со битолскиот камерен оркестар на целовечерен концерт насловен “Вечер на пијаното”.
На концертот ќе бидат изведени дела од Бах, Шопен и други светски познати композитори.
-Како што е познато Камерниот оркестар на Битола годинава функционира во партнерство со нашата национална установа и со поддршка на Министерството за култура и општина Битола. Новата есенска музичка сезона продолжува со целовечерен концерт за клавир и оркестар, и ќе биде под диригентската палка на маестро Алесандро д”Агостини, диригент од Италија кој има импозантна кариера со познати оперски куќи низ матичната и други европски држави- информира првиот човек на Центар за култура- Битола, Борче Димитровски.
Б.В.
