Катица ќе врши увид на доказите на Вилма

Поранешната специјална обвинителка Катица Јанева денеска треба да изврши увид во доказите приберени за истрагата „Рекет“. 

Јанева во вторникот беше во Обвинителството за гонење на организиран криминал и корупција каде што беше повикана да даде исказ пред обвинителката Вилма Русковска. Сепак Јанева побарала прво да ги види доказите, а потоа да зборува. Русковска истиот ден ги извести Јанева и нејзината адвокатка Ирена Фрчкоска дека истражната постапка е завршена и дека имаат рок од 15 дена да достават свои докази.

Увид во доказите вчера вршеше Бојан Јовановски, кој е првоосомничен во случајот „Рекет“.

Случајот „Рекет“ Обвинителството за организиран криминал и корупција го отвори во јули годинава, против Бојан Јовановски-Боки 13 и Зоран Милевски-Кичеец, за потоа истрагата да се прошири и против Катица Јанева. Јовановски и Јанева се во притвор во Затворот Скоје, а Зоран Милески – Кичеец со одлука на судот од завчера е префрлен во домашен притвор.