Битолски Весник Весник што се чита и прераскажува 60 години со читателите
Деновиве во индустриската зона “Жабени“ беа продадени 11 градежни парцели.
Засега не се знае кои се лицата кои ги купија овие парцели, ниту пак тие кои ги изгубија и на кои им беа одземени.
Инаку парцелите кои се продадени се парцели на (не)познати битолски бизнисмени кои пред неколку години ги купија парцелите за бадијала по 1 евро на квадрат со намера таму да градат индустриски капацитети.
Иако во првиот момент беа продадени над 36 парцели , а подоцна уште дваесетина и поради наводно големиот интерес беше речено дека во ИЗ“ Жабени“ ќе се гради уште индустриска зона “ Жабени 2 “, освем “Кромберг и Шуберт“ ни еден друг инвеститор не се одлучи таму да гради.
Според информации на поратлот на Битолски весник парцелите “инвеститорите “ ги купиле со намра не да градат, туку да ги (пре)продадат.
Општината Битола досега никогаш не излезе со информација кои битолски “инвеститори“ купија градежни парцели во “ Жабени “ по багателни цени.
Кога новата власт во Општината сфати дека нема ништо од градежниот бум во “ Жабени “ одлучија да им ги одземат парцелите да ги дадат на продажба.
По купувањето на парцелите од наводни битолски тајкуни битолската јавност беше замајувана дека за градење во “ Жабени “ се заинтересирани инвеститори од Украина, Русија, Австрија, Италија, Австралија, САД, Турција, но за жал ни еден од нив не вложи ништо во “ Жабени “.
Така во “Жабени “ остана реализирана само една странска инвестиција , а тоа е само фабриката “ Кромберг и Шуберт “ кој во моментот вработува над 6.500 работници.
